Бремена на десет години, а абортусот не ѝ е дозволен: Звучи страшно, но постои уште потемна страна на приказната

Пред неколку месеци една страшна вест ја потресе планета: десетгодишно девојче е бремено. Оваа страшна приказна е само една од многуте такви кои секојдневно се случуваат во Парагвај.

Во Парагвај девојчињата често се изложени на малтретирање и тортура

Се покажа дека девојчето било бремено кога дошла со нејзината мајка во болницата жалејќи се на болки во стомакот. Прегледот покажа дека таа е во 21-та недела од бременоста.

Како што е соопштено од Amnesty International, девојката останала бремена откако била силувана од очувот.

Очувот е уапсен, а наскоро и мајката, под обвинение дека учествувала во злоупотребата. Невладините организации повикуваат на девојчето да ѝ се одобри абортус, но и покрај предупредувањата дека бременоста и евентуалното пораѓање на нејзина возраст се опасни, тоа одобрување сѐ уште не е пристигнато.

Во Паргвај абортусот е незаконски, освен кога животот на мајката е во опасност.

– Психолошката евалуација на девојчето покажа дека таа е среќно дете, а бидејќи не постои ризик по нејзиниот живот, одлучено е бременоста да продолжи, вели д-р Антонио Бариос.

Девојчето во меѓувреме се породи и доби ќерка. Сепак, без оглед на тоа колку ужасно да звучи, ова не е изолиран случај. Оваа страшна приказна е само една од многуте такви кои секојдневно се случуваат во Парагвај.

Според Министерството за здравство, 704 девојчиња на возраст од 14 години и помали, се породиле минатата година, или околу две дневно. Постои страв дека ова не е конечната бројка, бидејќи во многу рурални делови на земјата, таквите случаи не се пријавени. Друг проблем е што овие ужаси се зголемуваат од година во година. Во главниот град на Парагвај има дури и еден вид на центар за млади мајки, Casa Rosa Maria.