Ја враќа енергијата и го закрепнува целото тело: Домашен напиток кој може значително да го зајакне имунитетот

Силниот имунитет е многу важен за заштита на телото од вируси и разни болести. Доволниот внес на витамини поволно дејствува на целиот организам и може значително да го зајакне имунолошкиот систем.

Нутриционистите советуваат тие да се внесуваат преку храна или напитоци, а ако не може на тој начин да се задоволи препорачаната дневна доза, тогаш треба да се земаат суплементи.

Денеска ви претставуваме рецепт за домашен напиток кој ја враќа енергијата и поволно делува врз имунолошкиот систем:

Потребни состојки:

  • 1 шолја врела (незовриена) вода
  • 1 цм. свеж, изрендан ѓумбир
  • сок од половина лимон
  • половина лажиче црн бибер
  • половина лажиче цимет
  • половина лажиче каранфилче
  • половина лажиче куркума
  • 1 лажица мед

Приготвување и примена:

Измешајте ги сите состојки и оставете ги да отстојат неколку минути. Потоа, процедете и пијте по малку во текот на денот.

Еве како состојките делуваат врз организмот и зошто се добри за него:

Лимон

Лимонот е полн со нутриенти – содржи биофлавоноиди, пектин, фолна киселина, витамини Ц, А, Б1, Б6, калиум, калциум, магнезиум, фосфор, манган. Делува врз здравјето на целиот организам и со причина го нарекуваат суперхрана.
Ѓумбир

Ѓумбирот е богат со етерични масла, калиум, манган, бакар, магнезиум и витамин Б, а во комбинација со мед и лимон му дава на организмот вистинска „нутритивна бомба“.

Цимет

Овој зачин е значаен извор на витамини и минерали. Содржи калциум, железо, манган, витамин Ц и витамин К, како и диететски влакна.
Куркума

Куркуминот, главната состојка на овој зачин, поседува силно антиоксидативно, антивоспалително, антивирусно, антибактериско, антимикотичко и антиканцерогено дејство. Неодамна објавената студија во магазинот „Molecular Nutrition & Food Research“ укажува дека и дијабетичарите имаат голема корист од овој зачин.