Kога вашето дете ќе помине низ нешто толку сериозно тоа го разнишува вашиот свет: Џанлука Ваки низ солзи за здравствената состојба на ќерката

Kога вашето дете ќе помине низ нешто толку сериозно тоа го разнишува вашиот свет: Џанлука Ваки низ солзи за здравствената состојба на ќерката

Ексцентричниот италијански милионер Џанлука Ваки, кој во октомври минатата година доби ќерка со својата партнерка Шенон Фонсека, вчера објави емотивен пост на Инстаграм во врска со операцијата што неодамна ја имаше нивното девојче.

„Нашата ќерка имаше операција на расцеп на непцето оваа недела.
Беше многу предизвикувачка и емотивна недела за нас, и можете да замислите колку беше предизвик за нашето бебе. Кога вашето дете поминува низ нешто сериозно како операција, навистина го потресува вашиот свет на родители. Нашиот ангел навистина не престанува да нè восхитува. Беше толку храбра, мирна низ сето тоа, јас сум толку горд што сум нејзин татко“, напиша Џанлука Ваки на Инстаграм и додаде:

„Со солзи во очите, ви велам дека моето срце е со сите родители кои минуваат низ здравствени проблеми со своите бебиња. Се надевам дека сте безбедни. Ние сега сме дома! Благодарни сме и благословени!”

Што е расцеп на непцето?

Расцеп на непцето е последица на некомпатибилноста на палаталните додатоци, едни со други и со носната преграда. Постојат неколку причини, кои вклучуваат значителни генетски промени, вирусна инфекција, токсини и хипоксија во пренаталниот период.

Обично се потребни неколку операции за да се постигнат задоволителни конечни резултати. Расцепот на непцето се затвора пред детето да започне сериозен говор, на возраст од 18 месеци. Важно е да се каже дека во ретки случаи на обостран расцеп на усната и непцето, каде што има изразени деформации, понекогаш е потребен ортодонтски третман, односно исправување на забите со фиксна протеза или мобилна протеза.

Извор: zenskimagazin.mk